"Murphy and Parkinson are alive and well - in your project."

Dokumentasie

Wat nie op skrif is nie, is nooit gesê nie.

Projekbestuurder

Die waardevolste, maar mins gebruikte woord in 'n projekbestuurder se woordeskat is "nee".

Projekspan

Te min spanlede kan nie die probleem oplos nie. Te veel skep weer meer probleme as wat hulle oplos.

Tyd

Dieselfde werk onder dieselfde omstandighede sal verskillend geskat word deur tien verskillende projekbestuurders, of deur een projekbestuurder by tien verskillende geleenthede.

Jy kan 'n dwaas oortuig om 'n onredelike teikendatum te aanvaar, maar jy kan hom nie forseer om dit te haal nie.

Hoe meer belaglik die teikendatum, hoe hoër die koste om dit te probeer behaal.

Parkinson se wet: Werk vermeerder om die tyd te vul wat beskikbaar is vir die voltooiing daarvan.

Verwagtinge

Jy kan 'n gebruiker se verwagtinge vries, maar hy sal nie ophou verwag nie.

Gevriesde spesifikasies en die "abominable snowman" is soortgelyk: Beide is mites en beide smelt as jy genoeg hitte toevoeg.

Die voorwaardes gestel saam met 'n belofte word vergeet. Die belofte nooit.

Vordering en status

Projekte vorder vinnig totdat dit 90% voltooid is. Dan bly dit vir altyd op 90% voltooid.

Projekspanne verpes vorderingsverslae, want dit illustreer duidelik hulle gebrek aan vordering.